რუსთავის მერია - რუსთავის მუნიციპალიტეტი თვითმმართველობის ინდექსით საუკეთესო ხუთეულშია

რუსთავის მუნიციპალიტეტი ადგილობრივი თვითმმართველობის ინდექსის 2019 წლის შეფასების შედეგებით, საუკეთესო ხუთეულში მოხვდა. ამის შესახებ ,,ინტერპრესნიუსს“ რუსთავის მერიიდან აცნობეს.

მუნიციპალიტეტების საქმიანობის გამჭვირვალობისა და მოქალაქეების მიმართ ანგარიშვალდებულების შედეგით, რუსთავის მუნიციპალიტეტი წელს მეორე ადგილზე გავიდა.

საუკეთესო მუნიციპალიტეტების დაჯილდოება, ადგილობრივი თვითმმართველობის ინდექსის 2019 წლის ანგარიშის პრეზენტაციაზე მოხდა. 100%-იანი შეფასების შკალით, ინფორმაციის გამჭვირვალობის და მისი პროაქტიური გამოქვეყნების ხარისხით, რუსთავმა 57% დააგროვა. პირველ ადგილზე, ქალაქი ბათუმი გავიდა 61%-ით მესამეზე, კი ლაგოდეხის მუნიციპალიტეტი, რომელმაც აღნიშნული კრიტერიუმები 56%-ით დააკმაყოფილა.

ადგილობრივი თვითმმართველობის ინდექსი, მუნიციპალიტეტების გამჭვირვალობას, მოქალაქეთა მიმართ ანგარიშვალდებულებას და გადაწყვეტილების მიღების პროცესში მოსახლეობის ჩართულობის ხარისხს აფასებს.

ადგილობრივი თვითმმართველობის ინდექსი, კონსულტაციებისა და ტრენინგების ცენტრის (CTC), ინფორმაციის თავისუფლების განვითარების ინსტიტუტის (IDFI) და მმართველობითი სისტემის განვითარების ცენტრის (MSDC) ერთობლივი ძალისხმევით შეიქმნა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის