კახა კალაძე ლილოს ნაგავსაყრელზე - ნარჩენებისგან ბუნებრივი აირის მიღებაზე დოკუმენტაცია სექტემბერში იქნება მზად, რის შემდეგაც ტენდერი გამოცხადდება

ლილოს ნაგავსაყრელზე არსებული სიტუაციის მოწესრიგება და ნარჩენებისგან ბუნებრივი აირის მიღებაზე შესაბამისი დოკუმენტაცია 2019 წლის სექტემბერში იქნება მზად, რის შემდეგაც გამოცხადდება ტენდერი პროექტის განხორციელებაზე, 2021 წლისთვის კი, პროექტი საბოლოოდ დასრულდება, - ამის შესახებ დედაქალაქის მერმა კახა კალაძემ დღეს გამართულ მთავრობის სხდომაზე განაცხადა.

მისი თქმით, უკვე შერჩეულია კომპანია, რომელიც აღნიშნულ დოკუმენტაციას მოამზადებს.

„2019 წელს გამოცხადდა ტენდერი, რომელიც გულისხმობს თბილისის საყოფაცხოვრებო პოლიგონის გამართულად ფუნქციონირებისთვის საჭირო პარამეტრების მნიშვნელოვნად გაუმჯობესებას. ჩვენ ხელი უნდა შევუწყოთ დედაქალაქის ეკოლოგიური მდგომარეობის გაუმჯობესებას. არაერთხელ გვისაუბრია ეკოლოგიაზე ზოგადად, თუმცა რაც შეეხება ლილოს ნაგავსაყრელს, რომელიც არის უმძიმეს მდგომარეობაში და თუ არ გადავდგით კონკრეტული ნაბიჯები ძალიან მძიმე შედეგებს მივიღებთ. „თბილსესრვის ჯგუფმა“ შეიმუშავა დოკუმენტაცია. ტენდერი მიზნად ისახავს თბილისის საყოფაცხოვრებო ნარჩენების პოლიგონის დასრულებულ უჯრედში ბიოგაზის მოპოვებას და ღირებულ პროდუქტად გარდაქმნის კონცეპტუალური პროექტის მომზადებას. არსებული ნაგავსაყრელი ფაქტობრივად შევსებულია და იქ არის ძალიან დიდი მასა ამ ნარჩენების, შესაბამისად, არის შესაძლებლობა, რომ ამ ნარჩენებისგან ჩვენ მივიღოთ პროდუქტი, საუბარია გაზზე. გამარჯვებული კომპანია, ვინც მოამზადებს ამ დოკუმენტაციას ეს არის ბელგიური კომპანია „ჯეო კონსულტანტი“. ჩვენ გვექნება სრული დოკუმენტაცია 2019 წლის სექტემბერში, აქვე გამოცხადდება ტენდერი პროექტის განხორციელებაზე და 2021 წლისთვის უნდა იყოს დასრულებული“,- განაცხადა კალაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა