აჭარის ტურიზმის დეპარტამენტი - აჭარის ტურისტული პროდუქტები ისევ „ევრონიუსის“ ყურადღების ცენტრშია

ბათუმი, როგორც ევროპის ყველაზე სწრაფად მზარდი ტურისტული მიმართულება „ევრონიუსის“ ობიექტივში მოხვდა. აჭარის ტურიზმის დეპარტამენტის ინფორმაციით, გადაცემა Focus-მა ბათუმს ვრცელი რეპორტაჟი მიუძღვნა, სადაც საინტერესოდაა გადმოცემული თუ რატომაა ბათუმი ტურისტებისთვის მიმზიდველი ტურისტული მიმართულება.

რეპორტაჟში ხაზგასმულია ქალაქზე და ზოგადად, რეგიონში ტურიზმის სწრაფად განვითარებაზე, ტურისტულ პროდუქტებზე, ტრადიციებსა და კულტურაზე.

მსოფლიოში რეიტინგული ტელეარხის გადამღები ჯგუფი რეგიონს აჭარის ტურიზმის დეპარტამენტის მოწვევით სტუმრობდა. ბათუმზე მომზადებულ რეპორტაჟს კი „ევრონიუსის“ მილიონობით მაყურებელი, 12 ენაზე, ერთი კვირის განმავლობაში გაეცნობა. გარდა რეპორტაჟებისა, „ევრონიუსის“ მაყურებელი 2017 წლიდან დღემდე ეცნობა აჭარის საიმიჯო ვიდეოკლიპებს, რომელიც ყოველწლიურად და მათ შორის წელსაც, ტელეკომპანიის ეთერით გადაიცემოდა. რეგიონის პოპულარიზაცია ასევე, მიმდინარეობდა Deutsche Welle-სა და BBC - ის ეთერებით.

„ჩვენი ქვეყნისა და რეგიონის პოპულარიზაციისთვის განსაკუთრებით მნიშვნელოვანია, ისეთი საერთაშორისო მედიასაშუალებების მხარდაჭერა, როგორიცაა „ევრონიუსი“. ახლა განსაკუთრებით გვჭირდება, ხმა მივაწვდინოთ ჩვენს პოტენციურ ტურისტებს, რომ საქართველოში დასვენება არის უსაფრთხო, საინტერესო და მრავალფეროვანი. ჩვენ ამ მიმართულებით განსაკუთრებით აქტიურად ვმუშაობთ ჩვენს სამიზნე ქვეყნებში სხვადასხვა მარკეტინგული აქტივობებით. Deutsche Welle-ს, BBC -ისა და Euronews-ზე აქტიური სატელევიზიო რეკლამების შემდეგ, წელს პირველად ვიწყებთ რეგიონის პოპულარიზაციას ისეთი რეიტინგული, საერთაშორისო ტელევიზიებით, როგორებიცაა Travel Channel და National Geographic, სადაც აჭარის საიმიჯო ვიდეორგოლები ერთი თვის განმავლობაში იტრიალებს, რაც ხელს შეუწყობს საერთაშორისო მასშტაბით საქართველოს, კერძოდ კი ბათუმის, როგორც მიმზიდველი ტურისტული მიმართულების პოპულარიზაციასა და დადებითი იმიჯის ჩამოყალიბებას“,- განაცხადა აჭარის ტურიზმის დეპარტამენტის თავმჯდომარე თინათინ ზოიძემ.

იხილეთ ვიდეო

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 20.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ