შინაგან საქმეთა მინისტრის, გიორგი გახარიას გადადგომის მოთხოვნით ქუთაისში მსვლელობა მოეწყო. აქტივისტებმა მსვლელობა აღმაშენებლის ძეგლის მიმდებარე ტერიტორიიდან დაიწყეს და სხვადასხვა ქუჩაზე გადაინაცვლეს.
აქციის მონაწილეები გიორგი გახარიას გადადგომის მოთხოვნით საყვირებით იმერეთის სამხარეო პოლიციასა და ქალაქის სამმართველოს შენობებთან მივიდნენ. მათი თქმით, პროტესტი გაგრძელდება, ვიდრე მათი მოთხოვნა არ შესრულდება და შინაგან საქმეთა მინისტრი არ გადადგება.