„გახარია წადი", „წავიდეს ჯალათი მინისტრი" - ამ ლოზუნგებით ბათუმში აბუსერიძისა და აღმაშენებლის ქუჩების კვეთაზე "ერთიანი ნაციონალური მოძრაობის" წევრებმა საპროტესტო აქცია გამართეს.

მათ პროტესტის ნიშნად გზა გადაკეტეს.

აქციის მონაწილეები შინაგან საქმეთა მინისტრის გიორგი გახარიას გადადგომას მოითხოვენ. შეკრებილები პროტესტის გაგრძელებას აანონსებენ.

„დაუყოვნებლივ გადადგეს თვალთხარია გიორგი გახარია და პასუხი აგოს დაშავებულ მოქალაქეებზე. რუსეთი ოკუპანტია და ჩვენ ამას ყოველთვის განვაცხადებთ",- განაცხადეს აქციის მონაწილეებმა.