რუსთავის მერია - საავტომობილო გზების დეპარტამენტმა, რუსთავში ფართომასშტაბიანი პროექტის განხორციელება დაიწყო

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა, რუსთავში ფართომასშტაბიანი პროექტის განხორციელება დაიწყო.

როგორც ,,ინტერპრესნიუსს“ რუსთავის მერიიდან აცნობეს, პროექტი, რუსთავის მიმდებარედ არსებული იაღლუჯის მთის ფერდობებზე ფორმირებული ღვარცოფული ნაკადებისაგან, ქალაქის ქუჩებისა და საცხოვრებელი მიკრო რაიონების დაცვის მიზნით ხორციელდება და ჩამდინარე წყლების მილსადენი სისტემების მშენებლობას ითვალისწინებს.

იაღლუჯის ფერდობიდან ჩამოსული ღვარცოფისა და ჭარბი ნალექის შედეგად, რუსთავის ქუჩები და საცხოვრებელი სახლები, წლების განმავლობაში იტბორებოდა. როგორც ქალაქ რუსთავის მუნიციპალიტეტის მერმა ირაკლი ტაბაღუამ განაცხადა, ეს პროექტი ქალაქისთვის უმნიშვნელოვანესია და მინიმუმამდე შემცირდება რუსთავის დატბორვის შესაძლებლობა.

,,მოსახლეობას ახსოვს, რომ წლების განმავლობაში იაღლუჯის ფერდობიდან ჩამოსული უხვი ნალექის შედეგად წარმოქმნილი ნიაღვარი ტბორავდა და ძალიან დიდ ზიანს აყენებდა რუსთავს. ქალაქის დატბორვა ბოლოს 2018 წელს მოხდა. მუნიციპალიტეტის ინიციატივას, მოძებნილიყო გზები რუსთაველებისთვის მნიშვნელოვანი პრობლემის გადასაჭრელად, რეგიონული განვითარებისა და ინფრასტრუქტურის სამინისტროს მხრიდან მყისიერი რეაგირება მოჰყვა, სწორედ სამინისტროს საავტომობილო გზების დეპარტამენტის დიდი ძალისხმევის შედეგად მომზადდა საპროექტო დოკუმენტაცია, დიდი მადლობა მათ იმისთვის, რომ ასეთი სირთულის პროექტი მოამზადეს, გამოაცხადეს ტენდერი და სამუშაოები უკვე დაიწყო. პროექტის თანახმად მოეწყობა ბეტონის კოლექტორი, როგორც ღია, ასევე დახურული ტიპის, სპეციალური პანდუსები, იმისათვის, რომ საჭიროების შემთხვევაში, სპეციალური ტექნიკის გამოყენებით მოხდეს ჩამდინარე წყლების მილსადენი სისტემების პერიოდული გაწმენდა. წვიმის დროს წამოსული ნიაღვარი საბოლოო ჯამში მიმართული იქნება მდინარე მტკვარში, რაც მინიმუმამდე დაიყვანს მომავალში ქალაქ რუსთავის დატბორვის შესაძლებლობას“, - განაცხადა ირაკლი ტაბაღუამ ჟურნალისტებთან საუბარში.

იაღლუჯის ფერდობის გასწვრივ სამუშაოები დღეს დაიწყო და 2020 წლის ოქტომბერში დასრულდება. პროექტის ღირებულება 12 მილიონ-ნახევარია.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა