„დაისაჯოს გახარია", "სისტემა უნდა დაინგრეს"- ამ ლოზუნგებით ქუთაისში აქცია გაიმართა. „ნაციონალური მოძრაობის" ახალგაზრდული ფრთის წარმომადგენლები ამჯერად პროკურატურასთან შეიკრიბნენ. ახალგაზრდები შინაგან საქმეთა მინისტრის გიორგი გახარიას გადადგომას მოითხოვენ.

„მოვითხოვთ დაისაჯოს გახარია და პასუხი აგონ „გავრილოვის ღამისთვის“. ვითხოვთ, დაიბარონ პროკურატურაში გამოკითხვაზე. ვერ შეგვაშინებენ ოპოზიციის ლიდერების დაჭერით, აქციები გაგრძელდება, ვიდრე არ გადადგება გიორგი გახარია. საჭირო თუ გახდება, პროტესტის უკიდურეს ფორმას მივმართავთ, იმისთვის, ახალგაზრდები არ დაშავდნენ. მოვუწოდებთ ყველას, შემოგვიერთდეს, რადგან არ დავუშვათ რუსეთის ოკუპაცია", -აცხადებენ აქციის მონაწილეები.