„ნაცმოძრაობის“ წევრებმა ზუგდიდში მაჟორიტარი დეპუტატების - მერაბ ქვარაიას და ედიშერ თოლორაიას ბიუროებთან, პლაკატები - „გაიცანით 92 წითელ არმიელთაგან ერთ-ერთი“ გააკრეს

„ერთიანი ნაციონალური მოძრაობის“ წევრებმა ზუგდიდში მაჟორიტარი დეპუტატების მერაბ ქვარაიას და ედიშერ თოლორაიას ბიუროებთან, პლაკატები გააკრეს წარწერით - „გაიცანით 92 წითელ არმიელთაგან ერთ-ერთი“.

როგორც „ნაციონალური მოძრაობის“ წევრებმა განაცხადეს, ამ ფორმით, მათ დეპუტატების მიერ ნიკა მელიასთვის მანდატის შეჩერებისთვის ხმის მიცემა გააპროტესტეს. გარდა ამისა, ოპოზიციური პარტიის წარმომადგენლებმა და მხარდამჭერებმა შს მინისტრის გიორგი გახარიას გადადგომა მოითხოვეს.

„მათ ნიკა მელიას წინააღმდეგ მისცეს ხმა და ამით დაიცვეს რუსი ოკუპანტი გავრილოვი. საქართველოში, მითუმეტეს ხელისუფლებაში არ უნდა გვყავდეს ისეთი ადამიანები ვინც იცავენ რუს ოკუპანტს. სისტემა აუცილებლად დაინგრევა და „ქართული ოცნება“ თავისი გახარიებით და თვალთხარიებით აუცილებლად გადადგებიან, ისინი არ იქნებიან საქართველოში ძალიან მალე“,- განაცხადეს აქციის მონაწილეებმა.

მათი თქმით, გიორგი გახარიას გადადგომის მოთხოვნით, ისინი საპროტესტო აქციებს კვლავ გააგრძელებენ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში