რეგიონული განვითარების მინისტრის მოადგილე - წლიდან წლამდე დინამიურად იზრდება ის თანხები, რაც ცენტრალური ბიუჯეტიდან რეგიონებში ინვესტირდება

2020 წლის ბიუჯეტის დაგეგმვის მიზნით, რეგიონებში შეხვედრები გრძელდება. რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა შეხვედრა რაჭის მუნიციპალიტეტში გამართა. ღონისძიებას ადგილობრივი თვითმმართველობის წარმომადგენლები და მოსახლეობა ესწრებოდა.

შეხვედრაზე ილია ბეგიაშვილმა რეგიონში განსახორციელებელი პროექტების ფონდით 2020 წელს დასაფინანსებელი პროექტების წინასწარი პრეზენტაცია წარადგინა.

რაჭა-ლეჩხუმსა და ქვემო სვანეთში მომავალი წლისთვის რეგიონული განვითარებისა და ინფრასტრუქტურის სამინისტრო დაახლოებით 24 მილიონი ლარის პროექტებს განახორციელებს, რაც წლევანდელ ბიუჯეტთან შედარებით 4 მილიონი ლარით არის გაზრდილი. აშენდება და რეაბილიტაცია ჩაუტარდება სკოლებს, საბავშვო ბაღებსა და ამბულატორიებს, კეთილმოეწყობა გზები, გაუმჯობესდება წყალმომარაგება, მოეწყობა კულტურული, ტურისტული და სპორტული ინფრასტრუქტურა. დაფინანსების არსებულ ფონდებს ორი ახალი წყარო – „ახალი სკოლამდელი სააღმზრდელო დაწესებულებების მშენებლობის პროგრამა“ და „წყლის ხარისხის გაუმჯობესების პროგრამა“ დაემატა.

“ამჯერად, შეხვედრა გვაქვს ამბროლაურში, სადაც 2020 წლის გეგმების განხილვა მიმდინარეობს. მნიშვნელოვანია, რომ წლიდან წლამდე დინამიურად იზრდება ის თანხები, რომელიც ცენტრალური ბიუჯეტიდან ინვესტირდება რეგიონებში და რომელსაც თავად რეგიონები გამოიყენებენ სხვადასხვა მიმართულებით, როგორიცაა: გზების, წყალმომარაგების, ბაღების, სკოლების, სკვერების, კულტურული თუ ტურისტული ობიექტების მშენებლობა-რეაბილიტაცია. რაც შეეხება რაჭა-ლეჩხუმს და ქვემო სვანეთს 2019 წელს ეს თანხა შეადგენდა დაახლოებით 20 მილიონ ლარს, რაც ცენტრალური ბიუჯეტიდან იყო ინვესტირებული, 2020 წელს ვგეგმავთ რომ ეს იყოს დაახლოებით 24 მილიონი ლარი“, -აღნიშნა ილია ბეგიაშვილმა.

მან ასევე ხაზი გაუსვა რომ თითოეული ის პროექტი, რომელიც უნდა განხორციელდეს მუნიციპალიტეტებში გარკვეულ ეტაპებს გადის და იწყება მოსახლეობასთან შეხვედრებით და მათი საჭიროებების მოსმენით და გათვალისწინებით.

აღნიშნულ ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ