შეკვეთილში, ერთ-ერთმა აქტივისტმა ხათუნა ბერიძემ შიმშილობა შეწყვიტა. როგორც მან ,,ინტერპრესნიუსს“ განუცხადა, შიმშილობას ჯანმრთელობასთან დაკავშირებული პრობლემების გამო ვერ გააგრძელებს.

,,შიმშილობის დაწყების შემდეგ, რამდენჯერმე სასწრაფო - სამედიცინო დახმარების ჯგუფმა კლინიკაში გადამიყვანა. მედიკოსები მირჩევდნენ, რომ შემეწყვიტა შიმშილობა, მაგრამ სამედიცინო დაწესებულებიდან გამოსვლის შემდეგ, კვლავ ვუერთდებოდი ჩემს მეგობრებს. ახლა თავს ცუდად ვგრძნობ და გამოვეთიშე აქციას, თუმცა როგორც კი გამოვკეთდები, მივალ და დავიწყებ შიმშილობას“,-განაცხადა ხათუნა ბერიძემ.

შეგახსენებთ, შეკვეთილში, ბიძინა ივანიშვილის სახლის მიმდებარე ტერიტორიაზე, მე-13 დღეა რამდენიმე პირი შს მინისტრის გიორგი გახარიას თანამდებობიდან გადაყენების მოთხოვნით შიმშილობს.

იხილეთ ვიდეო: შეკვეთილში, ერთ-ერთმა აქტივისტმა შიმშილობა შეწყვიტა