დეკანოზი დავით ისაკაძე „თბილისი პრაიდის“ მოწინააღმდეგეებს მოუწოდებს, 8 ივლისის 06:00 საათიდან ყველა ცენტრალური მაგისტრალი დაიკავონ

დეკანოზი დავით ისაკაძე, სასულიერო პირებთან ერთად, „თბილისი პრაიდის“ “ღირსების მარშის“ საწინააღმდეგოდ, ცენტრალური მაგისტრალისა და ძირითადი ლოკაციების დაკავებას აანონსებს.

“დღეს გავრცელდა ინფორმაცია ჭინკების აღლუმის გამართვასთან დაკავშირებით. ეს არის მორიგი დიდი პროვოკაცია ჩვენი ქვეყნის, სახელმწიფოებრიობის, ზნეობისა და სარწმუნეობის საწინააღმდეგოდ. ამ მოვლენებს დიდი ხნის განმავლობაში ვაკვირდებოდით, გამოვხატავდით ჩვენს პროტესტს.

დილით ადრიანად, დაახლოებით 06:00 საათიდან ყველა ცენტრალური მაგისტრალი, მისი ძირითადი ლოკაციები დავიკავოთ - მშვიდობიანად, ყოველგვარი ძალადობისა და ძალმომრეობის გარეშე. დავიკავოთ, რათა ჩვენი ღირსება დავიცვათ. მავანნი ამ მარშს “ღირსების მარშს“ არქმევენ. ჩვენ, საქართველოს მოსახლეობის 97%-მა ვიცით, რომ ეს არის გარყვნილებისა და უზნეობის მარში, რასაც ქართველი ხალხი, კავკასიის შვილები არ დავუშვებთ.

რამდენიც არ უნდა ვიყოთ, ვიქნებით ასეთი პროვოკაციის გამართვის აქტიური წინააღმდეგნი. პირველ რიგში, მინდა ეს იცოდეს ქალბატონმა აშშ-ს საელჩოდან - ნუ შეუწყობენ ასეთი მავნე პროცესების განვითარებას ხელს. საქართველო საბედნიეროდ აშშ-ი არ არის. ჩვენ ჩვენი ზნეობა გაგვაჩნია და ღმერთი ისე არ დაგვიკარგავს, როგორც სამწუხაროდ, ეს ხდება აშშ-ი და ევროპაში“, - განაცხადა დეკანოზმა დავით ისაკაძე.

მან ხელისუფლებას ასევე მიმართა მოწოდებით, რომ “დამთავრდეს მარაზმატული, 15-დღიანი ორგია პარლამენტის წინ“.

“ვართ საქართველოს შვილები, თბილისელები. ჩვენც გვაქვს უფლება და მინდა გავისეირნო შვილებთან ერთად ჩემს საყვარელ პროსპექტზე, მაგრამ არ მინდა დავინახო ეს საშინელი, საზიზღარი ხალხი, რომელიც ჩემს ქვეყანას და სარწმუნობას შეურაცხყოფას აყენებს. არ მინდა მოხდეს პროვოკაცია და ერთმანეთთან დაპირისპირება. ამიტომ დროზე დაამთავრონ ეს სატანური შაბაში ამ საცოდავმა ხალხმა. ეს უკვე ჩვენი მოწოდებაა, თორემ ჩვენ ვიტოვებთ უფლებას ასევე მოვაწყოთ ჩვენი აქციები და საზოგადოებრივი მსვლელობები ზუსტად იმ ადგილას, სადაც ეს საშინელი ხალხია შეკრებილი“, - განაცხადა დავით ისაკაძემ.

იხილეთ ვიდეო

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი