გურამ მაჭარაშვილი განმარტავს, რატომ არის პროპორციულ სისტემაზე გადასვლასთან დაკავშირებით ინიცირებულ დოკუმენტზე უმრავლესობიდან მხოლოდ 93 დეპუტატის ხელმოწერა
უმრავლესობის დეპუტატი გურამ მაჭარაშვილი განმარტავს, რატომ არის პროპორციულ სისტემაზე გადასვლასთან დაკავშირებით ინიცირებულ დოკუმენტზე უმრავლესობიდან მხოლოდ 93 დეპუტატის ხელმოწერა. დეპუტატი ფიქრობს, რომ უმრავლესობის დეპუტატებმა, ვინც ინიცირებას ხელი არ მოაწერა, კითხვებს პასუხები ინდივიდუალურად უნდა გასცენ.
„ჩვენ საპროცედურო და წესების კომიტეტზე განვიხილეთ პარლამენტის 93 წევრის ხელმოწერის ნამდვილობა, რომლებმაც დავაინიცირეთ კონსტიტუციაში ცვლილებები 2020 წლის არჩევნების პროპორციული სიით ჩატარებასთან დაკავშირებით. აღნიშნული საკითხი კომიტეტმა მიიღო და 93-ვე პარლამენტარის ხელმოწერა ნამდვილად მიიჩნია. რაც ეხება იმ საკითხს, რომ დანარჩენი უმრავლესობის დეპუტატების ხელმოწერა რატომ არ იქნება ამ ინიცირებაზე - ეს საკითხი არის მათ მიერ ინდივიდუალურად პასუხგასაცემი. შესაძლებელია ფიზიკურად ვერ მოახდინეს, შესაძლებელია იყო სუბიექტური მიზეზები, თუმცა ახლა ეს არის მნიშვნელოვანი. მთავარი გახლავთ ის, რომ ეს საკითხი ინცირებულია ჩვენს გუნდში პრინციპულად, რომელიც არის ადეკვატური რეაქცია იმ გამოწვევებზე, რაც ზოგადად არსებობს დღეს საქართველოში და ძალიან პოზიტიურად შეხვდა ამას როგორც საერთაშორისო ორგანიზაციები, ასევე შიდა პოლიტიკური და არაპოლიტიკური წრეები. აქედან გამომდინარე მოლოდინი გვაქვს, რომ საქართველოს პარლამენტში ექნება მაღალი მხარდაჭერა“, - განაცხადა გურამ მაჭარაშვილი.
v-if="article.gallery" v-html="article.gallery"
