ხათუნა გოგორიშვილი - საკონსტიტუციო ცვლილებები „ქართული ოცნების" გადაწყვეტილება რომ ყოფილიყო, ის ამას ზეწოლის გარეშე გააკეთებდა

საკონსტიტუციო ცვლილებები „ქართული ოცნების" გადაწყვეტილება რომ ყოფილიყო, ის ამას ზეწოლის გარეშე გააკეთებდა, - ამის შესახებ დეპუტატმა ხათუნა გოგორიშვილმა განაცხადა. მან ისაუბრა პროპორციულ საარჩევნო სისტემაზე გადასვლის შესახებ და აღნიშნა, რომ კანონპროექტის ინიცირების დოკუმენტზე ხელი უმრავლესობის 14-მა დეპუტატმა არ მოაწერა.

„საკონსტიტუციო ცვლილებები, რომელიც წარმოდგენილია ახლა პარლამენტში "ქართული ოცნების" მიერ, არის იმ კონკრეტული ადამიანების მიღწევა, ვინც რუსთაველის გამზირზე დგანან რამდენიმე დღეა და ეს მათი ერთ-ერთი კატეგორიული მოთხოვნა იყო. ეს "ქართული ოცნების" გადაწყვეტილება რომ ყოფილიყო, მაშინ ის ამას გააკეთებდა ამ ზეწოლის გარეშე. საუბარი იმაზეა, რომ საკონსტიტუციო ცვლილებებს, იმისთვის, რომ ერთი მოწვევის პარლამენტმა მიიღოს, საკმაოდ მაღალი კვორუმი სჭირდება. 14 პარლამენტარი შედის უმრავლესობაში და ხელს არ აწერს, შესაბამისად დავინტერესდი, რამდენად მზად იქნებიან ისინი, განხილვის დროს მხარი დაუჭირონ. ჩემთვის განსაკუთრებით საინტერესო იყო ის პარლამენტარები, რომლებიც მაჟორიტარული წესით არიან არჩეულები და რომლებმაც მხარი არ დაუჭირეს აღნიშნულ ინიციატივას. სწორედ ეს იყო ჩემი შეკითხვის საგანი, თუ რატომ არ აწერს ხელს ყველა მაჟორიტარი "ქართული ოცნებიდან". ესენი არიან: გიორგი ბრეგაძე, ბიძინა გეგიძე, ანზორ ბოლქვაძე, ნინო გოგუაძე, პაატა მხეიძე, კახა ოქრიაშვილი, ზაზა პაპუაშვილი და ლადო კახაძე. ჩემი ინფორმაციით, მათი ნაწილი, დანამდვილებით შემიძლია გითხრათ, რომ მხარს არ დაუჭერს პროპორციულ სისტემაზე გადასვლას. სწორედ ამიტომ, დროა, „ქართული ოცნება" გაერკვეს, ამ თავისი 14 წევრიდან რამდენი დამატებითი ხმა შეიძლება, ჰქონდეს. თუმცა ხაზგასმით მინდა აღვნიშნო, რომ „ევროპულ საქართველო" აღნიშნულ საკონსტიტუციო ცვლილებებს მხარს დაუჭერს", - აღნიშნა გოგორიშვილმა.

პარლამენტში საპროცედურო და წესების კომიტეტის სხდომაზე მხარი დაუჭირეს პროპორციულ სისტემაზე გადასვლისთვის ინიცირებულ კანონპროექტზე 93 დეპუტატის ხელმოწერის ნამდვილობას.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა