სოფელ ჩანადირთკარში სასმელი წყლის სისტემის რეაბილიტაცია განხორციელდა

ამერიკული საქველმოქმედო ორგანიზაციის „LDS Charities” და დუშეთის მუნიციპალიტეტის ადგილობრივი ბიუჯეტის თანადაფინანსებით, ბაზალეთის ადმინისტრაციული ერთეულის სოფელ ჩანადირთკარში, სასმელი წყლის სისტემის რეაბილიტაცია განხორციელდა. ამის შესახებ „ინტერპრესნიუსს“ დუშეთის მუნიციპალიტეტიდან აცნობეს.

მათივე ინფორმაციით, დასრულებულ პროექტს დუშეთის მუნიციპალიტეტის მერი ზურაბ სეხნიაშვილი მოსახლეობასთან, მცხეთა-მთიანეთის სახელმწიფო რწმუნებულ შალვა კერესელიძესთან და საქველმოქმედო ორგანიზაციის წარმომადგენლებთან ერთად გაეცნო.

სოფელ ჩანადირთკარის მოსახლეობას სასმელი წყლის პრობლემა წლების განმავლობაში აწუხებდა, რომელიც სამუშაოების დასრულების შედეგად გადაიჭრა. პროექტის ფარგლებში, მოეწყო ჭაბურღილი, წყალშემკრები ავზი და განხორციელდა შიდა ინდივიდუალური დაქსელვა.

სამუშაოების კომპანიამ შპს "თერგი" შეასრულა.

ამერიკულმა საქველმოქმედო ორგანიზაციამ, ადგილობრივი ხელისუფლებისა და „ინვესტიციებისა და ჰუმანიტარული პროექტების გაერთიანების“ მხარდაჭერით, დუშეთის მუნიციპალიტეტში სასმელ წყალთან დაკავშირებით უკვე მესამე პროექტი განახორციელა და უახლოეს მომავალში დაგეგმილია კიდევ ორი დასახლების სასმელი წყლით უზრუნველყოფა.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ