ნინო ლომჯარია - დღეს მთავარი ამოცანაა, რომ არ მოხდეს ფიზიკური დაპირისპირება საქართველოს მოქალაქეებს შორის, რისი  ძალიან მაღალი რისკები არსებობს

სახალხო დამცველი ნინო ლომჯარია იმედოვნებს, რომ ფიზიკურ დაპირისპირებას, რომელსაც ადგილი ჰქონდა რუსთაველის გამზირზე, სამართალდამცველების მხრიდან სწრაფი რეაგირება მოჰყვება. სახალხო დამცველის თქმით, საგანგაშოა ის ფაქტი, რომ მოქალაქეს ფიზიკურად ქამრით გაუსწორდნენ, სწორედ იმ საგნით, რომლითაც „თბილისი პრაიდის“ მოწინააღდეგეები იმუქრებოდნენ.

როგორც ნინო ლომჯარიამ რუსთაველის გამზირზე ჟურნალისტებთან განაცხადა, ახლა მნიშნველოვანია, რომ არ მოხდეს ძალადობრივი ქმედებები და იმედი გამოთქვა, რომ აქციის ორგანიზატორები არსებულ ვითარებას პასუხისმგებლობით მოეკიდებიან. ომბუდსმენის თქმით, აქცია დღეს პარლამენტის შენობასთან იმიტომ იმართება, რომ ახალგაზრდებს იქ პროტესტის გამოხატვის საშუალება არ მიეცეთ.

“ბოლო რამდენიმე დღეა ძალიან სწრაფად ვითარდება მოვლენები და მაღალია ტემპერატურა. დღეს, ყველასთვის მთავარი ამოცანა არის ის, რომ არ მოხდეს ძალადობრივი დაპირისპირება საქართველოს მოქალაქეებს შორის, რისიც ძალიან მაღალი რისკები არსებობს. იმედი მაქვს, რომ აქციის ორგანიზატორები მაღალი პასუხისმგებლობით მოეკიდებიან იმ ვითარებას, რომელიც არსებობს. სამწუხაროა, რომ ახალგაზრდებს არ ეძლევათ შესაძლებლობა იქ გააპროტესტონ, სადაც რამდენიმე კვირაა აპროტესტებენ ერთსა და იმავე საკითხს. იმედი მაქვს, რომ მალე სიტუაცია დამშვიდდება. მთავარია, თავიდან ავირიდოთ ფიზიკური დაპირისპირება“,-განაცხადა ლომჯარიამ.

იხილეთ ვიდეო

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო