დაბა ახალდაბაში სასმელი წყლის ქსელის მასშტაბური რეაბილიტაცია მიმდინარეობს, - ამის შესახებ „ინტერპრესნიუსს“ ბორჯომის მუნიციპალიტეტიდან აცნობეს.
მათივე ინფორმაციით, პროექტი წყლის სათავე ნაგებობიდან საფილტრ სადგურამდე 2კმ 200მ სიგრძის მაგისტრალის სრულ განახლებას ითვალისწინებს.
სამუშაოებს დღეს ადგილზე გაეცნენ ბორჯომის მუნიციპალიტეტის მერი ლევან ლიპარტია და მოადგილე ბუბა ბერიძე.
მერის თქმით, დაბა ახალდაბის მოსახლეობას არსებული პრობლემა ბოლო რამდენიმე ათეული წელია აწუხებთ, პროექტის შედეგად, კი სრული დატვირთვით ამუშავდება საფილტრი სადგური და მნიშვნელოვნად გაუმჯობესდება წყლის ხარისხი და მომარაგება.
„სამუშაოები მიმდინარე თვის ბოლოს დასრულდება“, - ნათქვამია ინფორმაციაში.