შეკვეთილში, ბიძინა ივანიშვილის სახლთან მიმდინარე კონტრაქციაზე ხმაური და დაპირისპირებაა

შეკვეთილში, ბიძინა ივანიშვილის სახლთან მიმდინარე კონტრაქციაზე ხმაური და დაპირისპირებაა. კონტრაქციის წარმომადგენლები ბიძინა ივანიშვილის სახლის შესასვლელთან გაშლილი კარვებისა და პლაკატების გატანას ცდილობენ.

მათი თქმით, „ერთიანი ნაციონალური მოძრაობა" აღნიშნულ ტერიტორიაზე უკანონოდ იმყოფება.

„ჩვენ ადგილორივი რიგითი მოქალაქეები ვართ, მოვითხოვთ, რომ კარვებისგან გათავისუფლდეს შეკვეთილში ბიძინა ივანიშვილის სახლის მიმდებარე ტერიტორია. „ერთიან ნაციონალურ მოძრაობას" აქ არაფერი ესაქმება", - აცხადებენ „ინტერპრესნიუსთან“ კონტრაქციის მონაწილეები.

თავის მხრივ, "ერთიანი ნაციონალური მოძრაობის" წევრები აცხადებენ, რომ "ქართული ოცნების" „ზონდერები“ მათ ფიზიკურად გაუსწორდნენ და კარვების დაშლას ცდილობენ. ოპოზიციის წევრები კი დაშლას არ აპირებენ.

შეგახსენებთ, რომ შეკვეთილში ბიძინა ივანიშვილის სახლთან "ერთიანი ნაციონალური მოძრაობის" წევრები რამდენიმე დღეა უკვე აქციას მართავს და საქართველოს შინაგან საქმეთა მინისტრის გიორგი გახარიას თანამდებობიდან გადადგმომას ითხოვენ. პროტესტის ნიშნად რამდენიმე პირი კარვებში შიმშილობს.