საზოგადოებრივი მაუწყებლის აჭარის ტელევიზიისა და რადიოს დირექტორის არჩევა ამჯერადაც ვერ მოხერხდა. წარდგენილმა კანდიდატებმა ხმის საკმარისი რაოდენობა ვერ დააგროვეს. ამ წუთებში აჭარის ტელევიზიისა და რადიოს ბორდი განმეორებითი კენჭისყრის გამართვისთვის ემზადება. პირველ ტურში ორ-ორი ხმა კანდიდატებმა მერაბ წულუკიძემ და თინათინ ცისკარაძემ ხოლო ბაჩო გურაბანიძემ ერთი ხმა მიიღო.
მაუწყებლის დირექტორის არჩევნები მიმდინარე წლის 31 მაისსაც გაიმართა, სადაც ორივე კენჭისყრაზე აჭარის ტელევიზიისა და რადიოს ბორდმა დირექტორი ვერ აირჩია, რის გამოც მეორე ტური ჩაინიშნა.
შეგახსენებთ, რომ 19 აპრილს აჭარის ტელევიზიისა და რადიოს დირექტორი ნათია კაპანაძე თანამდებობიდან გადააყენეს. მას ბორდია წევრებმა უნდობლობა გამოუცხადეს. ბორდის ეს გადაწყვეტილება ნათია კაპანაძემ ბათუმის საქალაქო სასამართლოში გაასაჩივრა.