შეკვეთილში მოშიმშილეები - შიმშილობის შეწყვეტას არ ვაპირებთ, ვიდრე შს მინისტრი არ გადადგება

შეკვეთილში მოშიმშილეების განცხადებით, მათზე განხორციელებული ზეწოლის მიუხედავად, შიმშილობას არ შეწყვეტენ.

„დღეს, მე-17 დღეა, რაც საკვებს არ ვღებულობთ. მიუხედავად მომხდარი ინციდენტისა, შიმშილობის შეწყვეტას არ ვაპირებთ და გავაგრძელებთ ვიდრე ეს მახინჯი სისტემა არ ჩამოიშლება და შს მინისტრი გიორგი გახარია არ გადადგება", - განაცხადა მოშიმშილე აქტივისტმა მინდია ადაძემ.

შეგახსენებთ, რომ შეკვეთილში, ბიძინა ივანიშვილის სახლის მიმდებარე ტერიტორიაზე მე-17 დღეა შიმშილობის აქცია მიმდინარეობს.

მოშიმშილეები შს მინისტრის გიორგი გახარიას გადადგომას მოითხოვენ.