თორნიკე რიჟვაძე ჩეხეთის საგარეო საქმეთა მინისტრს შეხვდა

ბათუმის საერთაშორისო კონფერენციის ფარგლებში, აჭარის მთავრობის თავმჯდომარე თორნიკე რიჟვაძე ჩეხეთის საგარეო საქმეთა მინისტრს ტომაშ პეტრიჩეკს შეხვდა.

როგორც „ინტერპრესნიუსს“ აჭარის მთავრობის პრესსამსახურიდან აცნობეს, ჩეხმა დიპლომატმა შეხვედრისას კიდევ ერთხელ დაადასტურა საქართველოს ევროპული და ევროატლანტიკური კურსისა და ტერიტორიული მთლიანობისა და სუვერენიტეტისადმი მტკიცე მხარდაჭერა.

მხარეებმა განიხილეს ორი ქვეყნის თანამშრომლობის საკითხები მრავალი მიმართულებით. ძირითადად საუბარი შეეხო ეკონომიკისა და ტურიზმის სფეროებს. ასევე საინვესტიციო პროექტებს. კერძოდ, ქობულეთში Green Resort-ის მშენებლობას, რომელიც ქართულ-ჩეხურ-სლოვაკური პროექტია და ხაზს უსვამს მხარეებს შორის ღრმა ეკონომიკურ ურთიერთობებს.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა