აჭარის მთავრობის თავმჯდომარე თორნიკე რიჟვაძე უნგრეთის საგარეო საქმეთა და ვაჭრობის მინისტრს პიტერ სიიარტოს შევხვდა. როგორც „ინტერპრესნიუსს“ აჭარის მთავრობის პრესსამსახურიდან აცნობეს, უნგრული მხარე მზადაა, საქართველოს, როგორც ტურისტულად მიმზიდველი ქვეყნის, პოპულარიზაციას შეუწყოს ხელი.

მხარეებმა განიხილეს აჭარაში სპორტული ტურიზმის განვითარების პერსპექტივები.

უნგრელმა დიპლომატმა კიდევ ერთხელ დაადასტურა საქართველოს ევროატლანტიკური კურსისა და ტერიტორიული მთლიანობის მტკიცე მხარდაჭერა.