რუსეთმა თურქეთისთვის რაკეტსაწინააღმდეგო სისტემა „ეს 400“-ის მიწოდება დაიწყო

თურქეთის თავდაცვის სამინისტროს ცნობით, რუსეთიდან თურქეთში რაკეტსაწინააღმდეგო სისტემა „ეს 400“-ის მიწოდება დაიწყო. სისტემის პირველი კომპონენტები უკვე მიტანილია დედაქალაქ ანკარასთან მდებარე ავიაბაზა „მიურტედში“. დანარჩენი კომპონენტები უახლოეს დღეებში ჩავა თურქეთში და შესაძლებელი იქნება სისტემის აწყობა. ამ ინფორმაციას „ტასი“ ავრცელებს.