ფოთში, საქალაქთაშორისო რეისებზე მომუშავე მიკროავტობუსების მძღოლებმა მუშაობა განაახლეს

ფოთში, საქალაქთაშორისო რეისებზე მომუშავე მიკროავტობუსების მძღოლებმა მუშაობა განაახლეს. ავტოსადგურის დირექტორის დათო შონიას თქმით, ხელისუფლება მათ ალტერნატიული ფართის გამოყოფას დაჰპირდა. მისივე თქმით, თუ აღნიშნულ ტერიტორიაზე დარჩებიან, მიმდინარე წლის იანვრის თვემდე არ დაჯარიმდებიან.

„ხელისუფლება დაგვპირდა, რომ ახალ წლამდე გამოგვიყოფს ალტერნატიულ ტერიტორიას . დაგვპირდნენ იმასაც , რომ თუ აქ დავრჩებით , მიმდინარე წლის იანვრამდე არ დავჯარიმდებით,“- განაცხადა დათო შონიამ.

შეგახსენებთ, რომ დღეს ფოთში, საქალაქთაშორისო რეისებზე მომუშავე მიკრო ავტობუსების მძღოლები გაიფიცნენ. მათი განცხადებით, ადგილობრივი ხელისუფლება მათ ავტოსადგურის რეაბილიტაციას სთხოვს, წინააღმდეგ შემთხვევაში კი დაჯარიმდებიან. როგორც ისინი ამბობენ, აღნიშნული ფართი იჯარით აქვთ აღებული. შეკრებილები აცხადებდნენ, რომ ავტოსადგურის შენობის და ტერიტორიის მოწესრიგება მეპატრონეს ევალება.