სალომე სამადაშვილი - 20 ივნისის მოვლენების გამოძიების და პასუხისმგებლობის აღების ნაცვლად, ხელისუფლება ცდილობს ეს ოპოზიციის დევნისთვის გამოიყენოს
„როდესაც ივანიშვილი თანამდებობიდან არ აყენებს გიორგი გახარიას და პოლიტიკური ოპოზიციის დევნას აგრძელებს, ეს არის მისი განაცხადი, რომ არ აპირებს ხელისუფლების დათმობას,“ - ამის შესახებ „ნაციონალური მოძრაობის“ წევრმა სალომე სამადაშვილმა ჟურნალისტებს განუცხადა, რითაც გამოეხმაურა საგამოძიებო უწყების მიერ ოპოზიციის წარმომადგენლების გამოკითხვაზე დაბარებას. სამადაშვილის შეფასებით, ივანიშვილი ცდილობს, რომ 2020 წლის არჩევნებისთვის პოლიტიკური ველი მოასუფთავოს.
„20 ივნისის ღამის მოვლენების გამოძიების და პოლიტიკური პასუხისმგებლობის აღების ნაცვლად, ხელისუფლება ცდილობს ეს მოვლენები პოლიტიკური ოპოზიციის დევნისთვის გამოიყენოს, რათა შემდეგი არჩევნებისთვის მოასუფთავოს პოლიტიკური ველი კონკურენციისგან. ივანიშვილი ცდილობს, ახალი სისტემით შეინარჩუნოს ქვეყანაში ძალაუფლება. როდესაც ის თანამდებობიდან არ აყენებს გახარიას და აგრძელებს პოლიტიკური ოპოზიციის დევნას, ეს არის მისი განაცხადი - „მე არ ვაპირებ ხელისუფლების დათმობას ამ ქვეყანაში“, - განაცხადა სამადაშვილმა.
