1-ელი ივლისიდან დღემდე 1060 ტაქსს A კატეგორია მიენიჭა, ხოლო 6805-ს - B კატეგორია

1-ელი ივლისიდან დღემდე 1060 ტაქსს A კატეგორია მიენიჭა, ხოლო 6805-ს - B კატეგორია, - ამის შესახებ „ინტერპრესნიუსს“ თბილისის მერიის ტრანსპორტის საქალაქო სამსახურში განუცხადეს.

მათი ინფორმაციით, ტაქსის მძღოლებს 10 ივლისიდან კატეგორიის მისანიჭებლად ან ნებართვის მისაღებად, უკვე შეუძლიათ, რომ იუსტიციის სახლებს მიმართონ.

როგორც ცნობილია, 1-ელი ივლისიდან ტაქსების ორ - A და B კატეგორიად დაყოფის პროცესი დაიწყო. მათ შორის განსხვავებაა, როგორც სტანდარტული მონაცემების, ასევე პრივილეგიების თვალსაზრისით. კონკრეტულად, A კატეგორიის ტაქსი უნდა იყოს მარცხენასაჭიანი, ხუთკარიანი, თეთრი ფერისა და ტექნიკური ინსპექტირების მქონე. ამასთან, აღნიშნულ კატეგორიას მოეთხოვება ტაქსის აღმნიშვნელი თეთრი ფერის მანათობელი ნიშანი მასზე დატანილი წარწერით „TAXI თბილისი“. B კატეგორიის ტაქსები კლიენტებს მხოლოდ აპლიკაციის სერვისის მეშვეობით მოემსახურება, მათ არ მოეთხოვებათ ავტომობილის თეთრი ფერის სტანდარტი.

რაც შეეხება პრივილეგიებს, A კატეგორიის მქონე ტაქსის მძღოლები გარკვეული უპირატესობებით ისარგებლებენ. კონკრეტულად, მათ გადაეცემათ უფასოდ ავტომანქანის შეღებვის ვაუჩერი, ასევე მანქანის სალონის ქიმიური წმენდის ვაუჩერები. ამასთან, აღნიშნული კატეგორია ისარგებლებს უფასო გასაჩერებელი ადგილებით. აგრეთვე, მათ შეეძლებათ რეკლამის სატრანსპორტო საშუალებაზე განთავსება და შემოსავლის მიღება.

გარკვეული პრივილეგიებით ვერ ისარგებლებენ B კატეგორიის მძღოლები. კონკრეტულად, საკრებულოს დადგენილების მიხედვით, მათ არ უნდა აიყვანონ მგზავრი ქუჩიდან. ნაცვლად ამისა, უნდა უზრუნველყონ მხოლოდ იმ მგზავრის აყვანა, რომლის მომსახურების მიზნითაც მივიდნენ გამოძახების ადგილზე. ამასთან, მათ არ ექნებათ უფლება განათავსონ ტაქსის აღმნიშვნელი თეთრი ფერის მანათობელი ნიშანი მასზე დატანილი წარწერით „TAXI თბილისი“, ასევე, ვერ ისარგებლებენ ტაქსის გასაჩერებელი საპარკინგე ადგილებით.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი