მარნეულის ყოფილი მერი - 100-ზე მეტი მოწმეა დაკითხული, არც ერთი მოწმე არ საუბრობს, რომ თემურ აბაზოვს რამე ჰქონდეს გაკეთებული

რუსთავის საქალაქო სასამართლოში, მარნეულის ყოფილი მერის თემურ აბაზოვის საქმეზე მორიგი სხდომა ჩატარდა. დღევანდელ პროცესზე სასამართლომ ბრალდების მხარის მოწმე დაკითხა.

„დღეს დაკითხულმა ბრალდების მოწმემ ცალსახად დაუდასტურა სასამართლოს, რომ 2018 წლის მაისის თვეში, ის შეესწრო ინცინდენტს, როდესაც ალახვერდიევი დაემუქრა მარნეულის მერს თემურ აბაზოვს, ნახე მალე რა მოგივაო. მართალია, ბრალდების მხარე შეეცადა თავის სასარგებლო კალაპოტში მოექცია მოწმის ჩვენება, თუმცა არც ერთი მოწმე არ საუბრობს თემურ აბაზოვის წინააღმდეგ“ , - განაცხადა აბაზოვის ადვოკატმა მერაბ ჩიქოვანმა.

თავად თემურ აბაზოვი თავს დამნაშავედ არ სცნობს და აცხადებს, რომ დღემდე დაკითხული მოწმეებიდან არავინ ამბობს, რომ მან რაიმე სახის დანაშაული ჩაიდინა ელჩინ ალახვერდიევის მიმართ.

,,100-ზე მეტი მოწმეა დაკითხული, მაგრამ მინდა გითხრათ, რომ არც ერთ მოწმე, ელჩინ ალახვერდიევის გარდა, არ აცხადებს, რომ თემურ აბაზოვს რამე ქონდეს გაკეთებული ან მსგავს ფაქტში ჰქონდეს მიღებული მონაწილეობა“, - განაცხადა ჟურნალისტებთან საუბარში აბაზოვმა.

თემურ აბაზოვი პროკურატურამ შარშან, 13 ივნისს დააკავა. მას მარნეულის მუნიციპალიტეტის სოფელ ყიზილაჯლოში მცხოვრები ელჩინ ალახვერდიევის მიმართ დამამცირებელი და არაადამიანური მოპყრობა ედება ბრალად.

რუსთავის სასამართლომ, 7 თვიანი პატიმრობის შემდეგ, აბაზოვი პატიმრობიდან გირაოს გადახდის შემდეგ, გასული წლის 13 დეკემბერს გაათავისუფლა.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი