აბაშის მუნიციპალიტეტის მერი, ლევან მაკალათია, ამიერკავკასიის ლათინური წესის კათოლიკეთა სამოციქულო ადმინისტრატორს, ეპისკოპოსს, ჯუზეპე პაზოტოს შეხვდა. ამის შესახებ „ინტერპრესნიუსს“ აბაშის მერიიდან აცნობეს.
მათივე ცნობით, ჯუზეპე პაზოტო აბაშის მუნიციპალიტეტში სტუმრად იმყოფებოდა.
ლევან მაკალათიამ მას მუნიციპალიტეტის ისტორია, სოციალურ-ეკონომიკური მდგომარეობა და ტურისტული პოტენციალი გააცნო.
„სტუმარმა ისაუბრა საქართველოსადმი მისი განსაკუთრებული დამოკიდებულების შესახებ და მადლობა გადაუხადა მერს გულთბილი მიღებისათვის“, - ნათქვამია ინფორმაციაში.