კასპის მუნიციპალიტეტში საგზაო ინფრასტრუქტურის მოწყობის სამუშაოები გრძელდება.
კასპის მერიის პრესსამსახურის ინფორმაციით, ქალაქ კასპში ამჟამად ბორჯომის ქუჩიდან ე.წ. “ნატბეურა“- ს გავლით, პაატას ქუჩის გადაკვეთამდე გზის მოასფალტების სამუშაოები მიმდინარეობს.
აღნიშნულ სამუშაოებს ელექტრონულ ტენდერში გამარჯვებული შპს “გზები და კეთილმოწყობა“ ასრულებს. გზის მონაკვეთის სიგრძე 1 863 გრძივი მეტრია.
პროექტი რეგიონალური განვითარების ფონდის და ადგილობრივი ბიუჯეტის თანადაფინანსებით ხორციელდება, რომლის ღირებულება 1 652 390 ლარია.
“მნიშვნელოვანია, რომ გზაზე ასფალტის საფარი პირველად მოეწყობა და პროექტის დასრულების შემდეგ მოსახლეობა გადაადგილებას კომფორტული და უსაფრთხო გზით შეძლებს“ - აღნიშნა კასპის მუნიციპალიტეტის მერმა მანუჩარ მერებაშვილმა.
გზის სამუშაოებზე ადგილობრივი მოსახლეობა დასაქმდა.