აქტივისტებმა მინდია ადაძემ და მარად შავაძემ ფოთის ჰოსპიტალი დატოვეს.მათ მედიკოსებმა შიმშილობის შეწყვეტა ურჩიეს, მაგრამ ისინი შეკვეთილში, ბიძინა ივანიშვილის სახლის მიმდებარე ტერიტორიაზე შიმშილობის აქციას აგრძელებენ.
,,ეს ბიჭები ჯერჯერობით აგრძელებენ შიმშილობას, მაგრამ ძალიან უმძიმთ უკვე. ალბათ მალე შეწყვეტენ ,“- განუცხადა ,,ინტერპრესნიუსს“ ,,ნაციონალური მოძრაობის“ ქობულეთის ორგანიზაციის თავმჯდომარემ ბონდო თედორაძემ.
შეგახსენებთ, რომ მინდია ადაძე და მარად შავაძე შეუძლოდ გუშინ გახდნენ, რის გამოც, სასწრაფო სამედიცინო დახმარების ჯგუფმა ისინი კლინიკაში გადაიყვანა. შეკვეთილში, შინაგან საქმეთა მინისტრის, გიორგი გახარიას გადადგომის მოთხოვნით შიმშილობის აქცია მე-20 დღეა მიმდინარეობს.
დღეს 19:00 საათზე კი, იგივე მოთხოვნით, ოპოზიციური პარტიების წარმომადგენლები შეიკრიბებიან და საპროტესტო აქციას გამართავენ.
აქტივისტები, რომლებიც გუშინ შეუძლოდ გახდნენ, შეკვეთილში შიმშილობას აგრძელებენ