სამტრედიაში საფეხმავლო ხიდზე საპროტესტო აქცია დაპირისპირების გამო ჩაიშალა. ერთმანეთს აქციის მონაწილეები და ადგილზე მყოფი პირები დაუპირისპირდნენ.
მიზეზი ხიდზე დაგეგმილი პერფორმანსი გახდა. ახალგაზრდებს ხიდზე ბანერის, წარწერით "გახარია წადი", გადმოფენის უფლება არ მისცეს ადგილზე მყოფმა დაცვის თანამშრომლებმა და რკინიგზის წარმომადგენლება. მათი განცხადებით, ხიდი "საქართველოს რკინიგიზის" დაქვემდებარებაშია და ბანერის გამოფენის ნებართვაც მათგან უნდა ჰქონდეთ.
აქციის მოწინააღმდეგეები ჟურნალისტებს გადაღების უფლებას უზღუდავდნენ, მათ სიტყვიერ შეურაცხყოფას აყენებდნენ და კატეგორიულად მოითხოვდნენ, რომ ჟურნალისტებს სამტრედიის ტერიტორია დაეტოვებინათ.