ისრაელის პრემიერ-მინისტრი ბენიამენ ნეთანიაჰუ ლიბანსა და ლიბანურ მოძრაობა „ჰესბოლას“ „გამანადგურებელი სამხედრო დარტყმით“ დაემუქრა, თუ ის გარისკავს და განახორციელებს იმ მუქარებს, რომელიც მისმა ლიდერმა გააჟღერა. თუმცა, ნეთანიაჰუს დეტალების შესახებ არაფერი უთქვამს.
„ჩვენ მოვისმინეთ ნასრულას სიტყვები მის აგრესიულ გეგმებთან დაკავშირებით. ნათელი უნდა იყოს, რომ „ჰესბოლა“ თუკი ასეთ სისულელეს ჩაიდენს და ისრაელს დაარტყავს, ჩვენ მას და ლიბანს გამანადგურებელ სამხედრო დარტყმას მივაყენებთ“ , - განაცხადა ნეთანიაჰუმ.
ტელეარხ „ალ-მანართან“ ინტერვიუში „ჰესბოლას“ გენერალურმა მდივანმა ჰასან ნასრულმა რუკაზე მიუთითა ისრაელის უმსხვილესი ქალაქები, რომლებიც, მისი თქმით, იმ ზონაში მდებარეობენ, რომლებსაც მათი რაკეტები მიწვდება.