შეკვეთილში, საპროტესტო აქციის მონაწილეებმა, რომლებსაც ცოცხალი ჯაჭვი ჰქონდათ შეკრული და სასტუმრო ,,პარაგრაფისკენ" მიდიოდნენ, მსვლელობა შეწყვიტეს. მათ კვლავაც ბიძინა ივანიშვილის სახლის მიმდებარე ტერიტორიაზე გაშლილ კარავთან გადაინაცვლეს.
,,ჩვენ დღეს ჩავატარეთ მრავალრიცხოვანი აქცია ივანიშვილის რეჟიმის წინააღდეგ. ეს სისხლისღვრა არავის შერჩება და ბუნებრივია, ამისათვის არამარტო გახარია, არამედ ივანიშვილი პოლიტიკურადაც აგებს პასუხს. დარწმუნებული ვარ, დადგება მათი სამართლებრივი პასუხისმგებლობა.დღევანდელი აქცია იყო კიდევ ერთი გამაფრთხილებელი აქცია ამ რეჟიმის წინააღმდეგ და მოწოდება გახარიას გადადგომასთან დაკავშირებით. ბუნებრივია, მთელი საქართველო, ყველა პატრიოტი იზიარებს იმ მოთხოვნას, რა მოთხოვნებიც აქვთ თბილისში ახალგაზრდებს. ეს პროტესტი გაგრძელდება, სანამ არ გადადგება გიორგი გახარია, გაგრძელდება მანამდე, სანამ ივანიშვილის რეჟიმი არ დასრულდება პროპორციული არჩევნების გზით,”-განაცხადა ,,ნაციონალური მოძრაობი ერთ - ერთმა ლიდერმა, გიორგი ბარამიძემ.