დავით ქაცარავას ინფორმაციით, უდაბნოს მონასტრის მიმდებარე ტერიტორიაზე, ქართულ-აზერბაიჯანულ მხარეებს შორის შეხვედრა მიმდინარეობს
ანტისაოკუპაციო მოძრაობის " ძალა ერთობაშიას" ლიდერის დავით ქაცარავას ინფორმაციით, დავით გარეჯში, უდაბნოს მონასტრის მიმდებარე ტერიტორიაზე ქართულ- აზერბაიჯანულ მხარეებს შორის შეხვედრა მიმდინარეობს. როგორც ქაცარავამ "ინტერპრესნიუსს" ადგილზე განუცხადა, აღნიშნული შეხვედრა, სავარაუდოდ, უკავშირდება გუშინ დავით გარეჯში აზერბაიჯანელებს და ადგილობრივებს შორის მომხდარ ინციდენტს.
მისივე თქმით, ანტისაოკუპაციო მოძრაობა დავით გარეჯში პატრულირებას 7 მაისიდან დღემდე უწყვეტად ახორციელებს.
"ამ დროისთვის სიმშვიდეა. ფაქტობრივად, ვითარება დაუბრუნდა ძველ რეჟიმს, როდესაც ქართველი და აზერბაიჯანელი მესაზღვრეები იდგნენ ქედზე. ეს სიტუაცია უკვე დაბრუნდა, მაგრამ ამ წუთას ზემოთ არ გვიშვებენ. როგორც ვიცით, მიზეზი არის ქართულ-აზერბაიჯანული შეხვედრა, რომელიც სავარაუდოდ, უკავშირდება გუშინ მომხდარ ინციდენტს. მიმდინარეობს ეს შეხვედრა, თუმცა ვინ ესწრება ჩემთვის უცნობია",- განაცხადა ქაცარავამ.
This is a modal window.
v-if="article.gallery" v-html="article.gallery"
