ფოთი-სენაკის ავტომაგისტრალზე ავტოსაგზაო შემთხვევის შედეგად 2 ადამიანი დაშავდა

ფოთი-სენაკის ავტომაგისტრალის ჭალადიდის მონაკვეთში მომხდარი ავტოსაგზაო შემთხვევის შედეგად ორი ადამიანი დაშავდა. არსებული ინფორმაციით, მაღალი სიჩქარით მოძრავი ,,ბე ემ ვეს“ მარკის ავტომობილი ,,ოპელის“ ტიპის ავტომობილს შეეჯახა. შემთხვევის შედეგად, ,,ოპელის“ მძღოლი და მასთან ერთად მყოფი პირი დაშავდნენ.

სასწრაფო-სამედიცინო დახმარების ბრიგადამ ერთი დაშავებული ფოთის ჰოსპიტალში, მეორე კი ხობის საავადმყოფოში გადაიყვანა.

,,112-ის ბრიგადამ შემოიყვანა 26 წლის მამაკაცი. მას აღენიშნება ზედაპირული ტრავმები. ის მოთავსებულია მიმღებ-დიაგნოსტიკურ განყოფილებაში და სამედიცინო კვლევები უტარდება, მის სიცოცხლეს საფრთხე არ ემუქრება",- განუცხადა ,,ინტერპრესნიუსს“ ფოთის ჰოსპიტალის დირექტორმა თეა მიგინეიშვილმა.

რაც შეეხება მეორე დაშავებულს, 29 წლის მამაკაცს, ექიმების ინფორმაციით, მას მენჯ-ბარძაყის მოტეხილობა აქვს და აღენიშნება რამდენიმე ზედაპირული ჭრილობა. მათივე ინფორმაციით, მისი მდგომარეობა სტაბილურია.

როგორც ,,ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)