"თავისუფლება უდანაშაულო ბიჭებს", - ამ ლოზუნგით ბათუმის საქალაქო სასამართლოსთან აქცია მიმდინარეობს.
როგორც შეკრებილებმა განაცხადეს, ხუთი თვის წინ რესპუბლიკურ საავადმყოფოში პაციენტების ახლობლებს შორის ინცინდენტი მოხდა, რომელიც ფიზიკურ დაპირისპირებაში გადაიზარდა, მომხდარის გამო კი ხუთი ახალგაზრდა დააკავეს.
დაკავებულებს გამოძიება, ჯანმრთელობის განზრახ მძიმე დაზიანებას, იარაღის გამოყენებით ჩადენილი ხულიგნობასა და ცეცხლსასროლი იარაღის მართლსაწინააღმდეგო შეძენა-შენახვას ედავება.
ბრალდებულების ახლობლები დაკავებულების უდანაშაულობაზე საუბრობენ და სასამართლოს გადაწყვეტილების მიღებამდე მათ გათავისუფლებას მოითხოვენ.