ბიძინა ივანიშვილს ძალიან უსიამოვნო სიურპრიზები ელოდება „რუსთავი 2“-თან დაკავშირებით, გარწმუნებთ ამაში,“ - ამის შესახებ „გამარჯვებული საქართველოს“ წევრმა გუბაზ სანიკიძემ „რუსთავი 2“-ის საქმესთან დაკავშირებით სტრასბურგის სასამართლოს გადაწყვეტილებაზე საუბრისას განაცხადა.

კითხვაზე, თუ რა სიურპრიზებს გულისხმობს, გუბაზ სანიკიძემ აღნიშნა, რომ თავდაცვის ყოფილი მინისტრის, ირაკლი ოქრუაშვილის ადვოკატმა „რუსთავი 2“-ის საქმესთან დაკავშირებით სასამართლოში სარჩელი შეიტანა. მისივე თქმით, მოსალოდნელია „მძიმე ბრძოლა სასამართლოში“.

ამასთან, გუბაზ სანიკიძის განმარტებით, „ხელისუფლებას „რუსთავი 2“ არ აწყობს“.

ასევე, კითხვაზე, რომელიც „რუსთავი 2“-ის სარედაქციო პოლიტიკის მოსალოდნელ ცვლილებას ეხებოდა, გუბაზ სანიკიძემ უპასუხა, რომ ამის მცდელობა იქნება, თუმცა საბოლოოდ რა გამოვა, ეს „ბევრ რამეზეა დამოკიდებული“.