პაატა სალიას ინფორმაციით, „რუსთავი 2“-ის ფინანსური მდგომარეობის შესწავლა დაწყებულია

როგორც ვხედავ, ყველა მედიასაშუალებას საქართველოში გარკვეული ფინანსური პრობლემები აქვს. ჩვენი ამოცანაა, ვიმუშავოთ სწორი გზების, ფინანსური პრობლემების გადაჭრის გზების მხრივ, - ამის შესახებ ჟურნალისტებს „რუსთავი 2“-ის ახალმა გენერალურმა დირექტორმა პაატა სალიამ განუცხადა.

მისი თქმით, ტელეკომპანიის ფინანსური მდგომარეობის შესწავლა დაწყებულია, თუმცა პაატა სალიამ, ინფორმაციის კონფიდენციალურობიდან გამომდინარე, კონკრეტულ დეტალებზე არ ისაუბრა.

„ფინანსური მდგომარეობის შესწავლაც დავიწყეთ. არ მინდა ახლა ვისაუბრო დეტალებზე, ეს არის კონფიდენციალური ინფორმაცია, თუმცა, როგორც ვხედავ, ყველა მედიასაშუალებას საქართველოში გარკვეული ფინანსური პრობლემები აქვს. ჩვენი ამოცანაა, ვიმუშავოთ სწორი გზების, ფინანსური პრობლემების გადაჭრის გზების მხრივ", - განაცხადა პაატა სალიამ.

რაც შეეხება ჟურნალისტების კითხვას, დამფუძნებელი აპირებს თუ არა ინვესტიციის ჩადებას კომპანიაში, იმისთვის, რომ ფინანსური კუთხით პრობლემები არ შეიქმნას, პაატა სალიამ განმარტა, რომ რას აპირებს ამ მხრივ ქიბარ ხალვაში, მხოლოდ მას შემდეგ ეცოდინება, რაც „სრული სურათი ექნება“.

„ამის თაობაზე საუბარი არ არის ახალი, რომ გარკვეული ფინანსური პრობლემები არის. ამაზე იყო საუბრები, რომ ეს ყადაღის გამო იყო გამოწვეული და ასე შემდეგ, თუმცა მე იმასაც გავახსენებ საზოგადოებას, რომ მიმდინარე ხარჯებთან დაკავშირებულ სესხებზე და მოკლევადიან სესხებზე უზრუნველყოფაზე, ჩვენ მაშინაც თანხმობას ვაცხადებდით, რომ ყადაღები მოგვეხსნა კომპანიის ინტერესებიდან გამომდინარე, თუმცა მაშინ ეს დიალოგი ვერ შედგა. არ გამოვიდა ეს საკითხი, ანუ მათ უარი თქვეს.

რაც შეეხება იმას, რას აპირებს ქიბარ ხალვაში ფინანსური ინვესტიციების კუთხით და ასე შემდეგ, ამაზე ზუსტი პასუხი მექნება მას შემდეგ, რაც სრული სურათი მექნება. რა თქმა უნდა, ვიმოქმედებთ იმის მიხედვით, რა საჭიროებაც ექნება კომპანიას და რა შესაძლებლობებიც ექნება ამ შემთხვევაში კომპანიის მესაკუთრეს", - განაცხადა პაატა სალიამ.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის