ცენტრალური და ადგილობრივი ხელისუფლების წარმომადგენლები წალენჯიხის  მოსახლეობას შეხვდნენ

წალენჯიხის სოფელ ჯგალსა და ლიაში ცენტრალური და ადგილობრივი ხელისუფლების წარმომადგენლები მოსახლეობას შეხვდენენ და არსებულ საჭიროებებზე ინფორმაცია მიიღეს. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს. მათივე თქმით, შეხვედრაზე გამოკვეთილი საკითხების მოგვარებისთვის, მაქსიმალურად მოხდება მათი მომავალი წლის ბიუჯეტში გათვალისწინება.

გარემოს დაცვისა და სოფლის მეურნეობის მისტრის მოადგილემ სოლომონ პავლიაშვილმა, მოსახლეობას იმ პროგრამებსა და პროექტებზე მიაწოდა ინფორმაცია, რასაც სამინისტრო ახორციელებს. მინისტრის მოადგილემ აზიური ფაროსანას წინააღმდეგ მიმდინარე ღონისძიებებთან დაკავშირებითაც ისაუბრა.

„სახელისუფლებო გუნდის მიზანია, ამ შეხვედრებით მოსახლეობისგან ღიად მოისმინოს საკითხები და შემდეგ გადაწყვიტოს. ჩვენ გვინდა, რომ უშუალოდ მოსახლეობისგან გავიგოთ ამა თუ იმ სოფელში რა საკითხებია აქტუალური. პროცესში ჩართულია, როგორც ცენტრალური, ისე ადგილობრივი ხელისუფლება, რაც უდავოდ პოზიტიურ შედეგს მოიტანს“, - აღნიშნა სოლომონ პავლიაშვილმა.

გარემოს დაცვისა და სოფლის მეურნეობის მინისტრის მოადგილესთან ერთად შეხვედრას სამეგრელო-ზემო სვანეთის სახელმწიფო რწმუნებულის მოადგილე მალხაზ თორია, წალენჯიხის მერი ბესიკ ფარცვანია და წალენჯიხისა და ჩხოროწყუს მაჟორიტარი დეპუტატი გოგა გულორდავა ესწრებოდნენ. ადგილობრივი ხელისუფლების წარმომადგენლებმა იმ პროექტებზე ისაუბრეს, რაც წალენჯიხის მუნიციპალიტეტში განხორციელდება, ასევე ყურადღება გამახვილდა სოფლის მხარდაჭერის პროგრამის ეფექტურობასა და მოქალაქეების მხრიდან ჩართულობაზე, როდესაც განსახორციელებელ პროექტებს თავად მოსახლეობა ირჩევს.

„ამ ტიპის შეხვედრები მთელი ზაფხულის განმავლობაში გაგრძელდება, რათა უშუალო კომუნიკაცია ქონდეს ხელისუფლებას სხვადასხვა მუნიციპალიტეტში მცხოვრებ ​მოსახლეობასთან. შეხვედრების შედეგად ჩვენ ვგებულობთ საჭიროებებს უშუალოდ მოსახლეობისგან. თითოეულ საკითზე მოხდება მყისიერი რეაგირება”, - განაცხადა სახელმწიფო რწმუნებულის მოადგილემ მალხაზ თორიამ.

ჯგალსა და ობუჯში გამართულ შეხვედრებზე მოსახლეობამ მთავარ საჭიროებად წყლისა და შიდა გზების პრობლემები დაასახელა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან