გია ვოლსკი ირაკლი ოქრუაშვილზე - რაც თქვა, თუ ეს მართალია,  საკმაოდ დიდი სასჯელი ემუქრება, მაგრამ ამბობს ჰაერზე და გიჟი თავისუფალია

ადვოკატია, არც მთლად სულელია, რომ ისეთ საკითხებზე ილაპარაკოს, რისი დამტკიცებაც შეიძლება. რაც თვითონ თქვა, თუ ეს მართალია, მუხლები არ მახსოვს, მაგრამ საკმაოდ დიდი სასჯელი ემუქრება თავისუფლების აღკვეთით, მაგრამ ამბობს ჰაერზე და „გიჟი თავისუფალია“, ცოტა უხეში გამოთქმაა, მაგრამ ადეკვატური ვერაფერი მოვიგონე უფრო ისეთი, წესიერი, - ასე გამოეხმაურა საპარლამენტო უმრავლესობის ლიდერი გია ვოლსკი თავდაცვის ყოფილი მინისტრის ირაკლი ოქრუაშვილის განცხადებებს „პალიტრანიუსის“ გადაცემაში „360 გრადუსი“.

„ეს ცრუპენტელა ბარონჰაუზერი რაღაცეებს ლაპარაკობს, ხომ არ შეიძლება იმ წუთში ყველაფერზე ბიძინა ივანიშვილს გადავწვდეთ? ვერ ხვდებით, რომ ეს არის მახე? ვერ ხვდებით, რომ ეს სერიოზული თემაა, რომელსაც ჩვენ საზოგადოებას ცდილობენ მიაწოდონ საჭმელად. რომ არა ბიძინა ივანიშვილის მიმართ ასეთი გამოსვლები, ოქრუაშვილი საერთოდ გვარი გაგახსენდებოდათ რომ არსებობს?“, - განაცხადა ვოლსკიმ.

წამყვანის კითხვაზე, ოქრუაშვილის მხრიდან ხომ არ იყო ირიბი მინიშნება იმასთან დაკავშირებით , რომ ფული, რომლითაც მან „რუსთავი2“ შეიძინა, შეიძლებოდა ბიძინა ივანიშვილის ყოფილიყო, ვოლსკი პასუხობს, რომ ოქრუაშვილის განცხადებებს ხელშესახებ არგუმენტებად არ თვლის.

„კარგით რა. საერთოდ არ აღვიქვამ ოქრუაშვილის განცხადებებს ხელშესახებ არგუმენტებად და არ მგონია, რომ მე მარტო ვიყო. მაშინ მოუსმინეთ ქარელს, რას ლაპარაკობს ოქრუაშვილზე, რომელიც გუბერნატორი იყო.. არ ვარ ისეთი უბრალო, რომ ვერ დავალაგო სიტუაცია, ისეთ რამეებს ვიტყვი გინდა ოქრუაშვილზე და გინდა ნებისმიერ ადამიანზე, რომელიც არც დასიზმრებია, ვერ ვიკადრებ. ოქრუაშვილზე ბევრი თემები მაქვს. თავის დროზე ვსაუბრობდი, რომ თუ ვინმემ მოლაპარაკების ჩაშლაში მიიღო მონაწილეობა, თუ ვინმემ რუსეთისათვის სასარგებლო ნაბიჯები გადადგა 2004 წლის აგვისტოს, 2006 წლის ივლისში, ეს იყო ოქრუაშვილი, მისი ორგანიზებით ხდებოდა ყველაფერი და რატომ გამორიცხავთ, რომ ახლაც გარკვეულ ამოცანას ასრულებს იმისათვის, რომ დუღილის ტემპერატურა აწიოს და ესოდენ დიდი დიაპაზონის გადაცემაში ოქრუაშვილი გვყავდეს მთავარ სამსჯელო პიროვნებად. იქნებ ხელი გამოკრას კიდეც რაღაც პოლიტიკურ წარმატებას, მაგრამ ის, რომ მან ჩაიდინა გარკვეული დანაშაულებები... ადვოკატია, არც მთალდ სულელია, რომ ისეთ საკითხებზე ილაპარაკოს, რისი დამტკიცებაც შეიძლება. რაც თვითონ თქვა, ეს თუ მართალია, მუხლები არ მახსოვს, მაგრამ საკმაოდ დიდი სასჯელი ემუქრება თავისუფლების აღკლვეთით, მაგრამ ამბობს ჰაერზე და გიჟი თავისუფალია, ცოტა უხეში გამოთქმაა, მაგრამ ადეკვატური ვერაფერი მოვიგონე, უფრო ისეთი, წესიერი“, - განაცხადა ვოლსკიმ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში