დღეს მქონდა იმის სახსრები, რომ მეყიდა კარავი, ხვალ ფულს მეორე კარვისთვის როგორმე მოვიძიებ და პირდაპირ გავშლი ივანიშვილის ეზოსთან - ამის შესახებ პარლამენტის შენობის წინ მალხაზ მაჩალიკაშვილმა მას შემდეგ განაცხადა, რაც აქციის მონაწილეებმა კარავი გაუშალეს.

მალხაზ მაჩალიკაშვილის თქმით, კარვის დადგმაში კანონსაწინააღმდეგო არაფერია და იგი ხვალ კარავს ბიძინა ივანიშვილის ეზოსთან დადგამს.

"დღეს ყველა ვხედავდით, რომ კანონით მონიჭებულ უფლებებს მართმევდნენ. მოკლედ რომ ვთქვა, ეს იყო ჩემი პროვოკაციაზე წამოგების მცდელობა. ახალგაზრდებისა და ყველა კეთილი ადამიაანის თანადგომით კარავი დაიდგა, კანონის საწინააღმდეგო არაფერი არ მომხდარა. ნებისმიერ ადამიანს შეუძლია კარავი დადგას და გამოხატოს მშვიდობიანი პროტესტი. კარვებს არანაირი ვადები არ აქვს, სანამ მე ვითხოვ სამართალს“, - აცხადებს მაჩალიკაშვილი.