შეკვეთილში, ივანიშვილის სახლთან მიმდინარე აქციის მონაწილე - აქციის შედეგად გამოწვეული ხმაურის გამო, პოლიციაში დაგვიბარეს

შეკვეთილში მიმდინარე აქციის მონაწილეები ოზურგეთის პოლიციის განყოფილებაში გამოკითხვაზე არიან დაბარებული,- ამის შესახებ აქციის მონაწილეებმა "ინტერპრესნიუსთან" საუბრისას განაცხადეს.

მათი ინფორმაციით, სამართალდამცავებმა გამოკითხვაზე იმიტომ დაიბარეს, რომ შეკვეთილში ბიძინა ივანიშვილის სახლთან ხმაურს იწვევენ.

„ერთიანი ნაციონალური მოძრაობის" წევრი ლაშა ადამია ამბობს, რომ საქართველოს შინაგან საქმეთა მინისტრის, გიორგი გახარიას თანამდებობიდან გადადგომის მოთხოვნით აქციები კვლავ გაგრძელდება.

„აქციის შედეგად გამოწვეული ხმაურის გამო, ოზურგეთის პოლიციის განყოფილებაში დაგვიბარეს. ამ წუთებში მივდივართ გამოკითხვაზე. ჩვენ არ გავჩერდებით, აქციებს გავაგრძელებთ, ვიდრე საქართველოს შინაგან საქმეთა მინისტრი გიორგი გახარია თანამდებობიდან არ გადადგება. გამოკითხვაზე მივდივართ, მე ლაშა ადამია და ასევე ჩემი მეგობრები ანრი გუბაევი, ხათუნა ბერიძე, ბონდი თედორაძე და გია ხალვაში",- განაცხადა ლაშა ადამიამ.

შეგახსენებთ, რომ შეკვეთილში, ბიძინა ივანიშვილის სახლთან საპროტესტო აქცია თითქმის ერთი თვეა მიმდინარეობს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა