თუშეთში, უბედური შემთხვევის შედეგად დაშავებულები, ვერტმფრენით თელავის საავადმყოფოში გადაჰყავთ
თუშეთში, ავტოსაგზაო შემთხვევის შედეგად დაშავებულები, ვერტმფრენით თელავის საავადმყოფოში გადაჰყავთ. დაშავებულთა ამოყვანის სამუშაოები რამდენიმე საათის განმავლობაში მიმდინარეობდა.
დაშავებულთა ზუსტი რაოდენობის შესახებ ოფიციალური ინფორმაცია ამ დროისთვის არ ვრცელდება.
შეგახსენებთ, რომ ფშაველი-აბანო-ომალოს უღელტეხილზე ავტოსაგზაო შემთხვევა მოხდა, რა დროსაც ომალოს მიმართულებით მოძრავი მიკროავტობუსი ხევში გადავარდა.
შსს-ს ინფორმაციით, სამაშველო ღონისძიებაში ჩართული იყო სასაზღვრო პოლიციის ვერტმფრენი. თბილისიდან, ასევე, გაემგზავრნენ დამატებითი სამაშველო ჯგუფები და სამედიცინო პერსონალი.
„ამ ეტაპზე დადგინდა, რომ ავტოსაგაზაო შემთხვევის დროს სამგზავრო მიკროავტობუსის მძღოლმა ვერ დაიმორჩილა საჭე და გზიდან, ხევში გადავარდა. შემთხვევის შედეგად არიან დაშავებულები“, - აღნიშნულია შსს-ს მიერ გავრცელებულ ინფორმაციაში.
This is a modal window.
v-if="article.gallery" v-html="article.gallery"
