პარლამენტის შენობის წინ აქცია გადაცემა "სირცხვილია“-ს ფორმატით განახლდა. სტუმრები, პროფესორი და განათლების სპეციალისტი - სიმონ ჯანაშია და ჟურნალისტი ნინო ჯანგირაშვილი იქნებიან.

აქციის ორგანიზატორების ინფორმაციით, ისინი "წითელ ხაზებზე" ისაუბრებენ, რომლებიც საქართველოს საბჭოთა წარსულის განუყოფელი ნაწილი იყო და დღემდე გამოიყენება სისტემის მიერ ადამიანების წინააღმდეგ ბრძოლის იარაღად.

აქციის მონაწილეები უკვე მე-40 დღეა შინაგან საქმეთა მინისტრის, გიორგი გახარიას გადადგომას ითხოვენ. ბოლო რამდენიმე დღის განმავლობაში პროტესტის ფორმა შეცვალეს და აქცია განსხვავებული ფორმატით მიმდინარეობს - პარლამენტის წინ სიმბოლურად, 20:20 საათზე გადაცემა „სირცხვილია" იწყება.