ბათუმში ანბანის კოშკის მიმდებარე ტერიტორიაზე ცათამბჯენების მშენებლობას მოძრაობა "დაიცავი ბათუმის" წევრები აპროტესტებენ. მათ აქცია გამართეს და განაცხადეს, რომ ცათამბჯენების მშენებლობა ქალაქს ისტორიულ-კულტურულ სახეს დაუკარგავს და ასევე, ეკოლოგიური საფრთხე იქნება.

აქციის მონაწილეები ამბობენ, რომ პროტესტის გაგრძელებას გეგმავენ, სანამ პროექტის განხორციელება არ შეჩერდება.

შეგახსენებთ, რომ ე.წ რივიერას ტერიტორიაზე კომპანია „სილქროუდ ჯგუფი“ 5 ცათამბჯენის მშენებლობას, ასევე იახტკლუბის მოწყობას გეგმავს.