კასპის მუნიციპალიტეტის მერმა მანუჩარ მერებაშვილმა, კასპის #1 საჯარო სკოლის მეცხრე კლასის მოსწავლე ლუკა კორხელი პერსონალური კომპიუტერით დაასაჩუქრა. ამის შესახებ „ინტერპრესნიუსს“ კასპის მუნიციპალიტეტის მერიიდან აცნობეს.

ლუკა კორხელი, სსიპ „ბავშვთა და ახალგაზრდობის ეროვნული ცენტრის“ ინიციატივით ჩატარებული კონკურსის „ახალგაზრდა ხელოვანი“გამარჯვებულია.

კონკურსში მონაწილე რეგიონებიდან შერჩეულ იქნა 6 მხატვარი და 6 მწერალი. შიდა ქართლის რეგიონის 6 მწერლიდან ერთ-ერთი ლუკა კორხელია. გამარჯვებული ლუკა, სსიპ „ბავშვთა და ახალგაზრდობის ეროვნული ცენტრის“ მიერ შაორის „მომავლის ბანაკში“ 5 დღიანი საგზურით დაჯილდოვდა.

„კასპის მუნიციპალიტეტის მერია ლუკა კორხელს ულოცავს გამარჯვებას და წარმატებებს უსურვებს,“ - აღნიშნულია ინფორმაციაში.