პრეზიდენტი სალომე ზურაბიშვილი გაერთიანებული ერების ორგანიზაციის 74-ე გენერალურ ასამბლეაზე სიტყვით გამოვა. ამის შესახებ პრეზიდენტის პრესსპიკერმა ხატია მოისწრაფიშვილმა განაცხადა. მისივე ინფორმაციით, 31 ივლისს 27 წელი სრულდება საქართველოს გაერთიანებული ერების ორგანიზაციაში გაწევრიანების დღიდან.
„1992 წლის 31 ივლისს საქართველო გაეროს წევრი გახდა. საქართველოს პრეზიდენტის, სალომე ზურაბიშვილის სახელით, გილოცავთ ჩვენი ქვეყნის განვითარებისთვის ამ ისტორიულ თარიღს. აქვე, თქვენ იცით, რომ სექტემბრის ბოლოს, ნიუ იორკში გაერთიანებული ერების ორგანიზაციის, 74-ე გენერალური ასამბლეა გაიმართება, სადაც საქართველოს პრეზიდენტი სალომე ზურაბიშვილი სიტყვით გამოვა", - განაცხადა ხატია მოისწრაფიშვილმა.