დაბა ხულოში ორ სართულიანი საცხოვრებელი სახლი იწვის. როგორც ხულოს მუნიციპალიტეტის მერმა ვახტანგ ბერიძემ "ინტერპრესნიუსს" განუცხადა, შემთხვევის შედეგად არავინ დაშავებულა. ადგილზე საგანგებო სიტუაციების მართვის სამსახურის თანამშრომლები იმყოფებიან. მისი ინფორმაციით, ოთხი სახანძრო მანქანა ხანძრის ლოკალიზებას ცდილობს.
ვახტანგ ბერიძის თქმით, ხანძრის დროს სახლში არავინ იმყოფებოდა.
როგორც მან განაცხადა, დაზარალებული ოჯახის მდგომარეობას მერიაში შექმნილი სპეციალური კომისია შეისწავლის.