სიღნაღის მუნიციპალიტეტის ქალაქ წნორში 9 აპრილის და ვაჟა-ფშაველას ქუჩებზე გზების სარეაბილიტაციო სამუშაოები მიმდინარეობს.

9აპრილის ქუჩაზე 1675 მეტრის მანძილზე ორფენიანი ასფალტო-ბეტონის გზის საფარი და სანიაღვრეები მოეწყობა. ასევე, ქუჩის ჩიხებში 1400 კვ.მეტრის ფართობზე ასფალტო-ბეტონის საფარი დაიგება. გზის რეაბილიტაციაზე 1069234 ლარი დაიხარჯება.

რაც შეეხება ვაჟა-ფშაველას ქუჩას, ხუთასი მეტრის მანძილზე ორი ფენა ასფალტის საფარი დაიგება, რომელზეც 364 350 ლარი დაიხარჯება.

წნორში გზების რეაბილიტაცია რეგიონში განსახორციელებელი პროექტების ფონდიდან ფინანსდება.

ინფორმაციას სიღნაღის მუნიციპალიტეტი ავრცელებს.