ზაალ უდუმაშვილი - დღეს ივანიშვილის თავის ტკივილი ნიკა გვარამიაა - მისი დაკავება მძიმე პოლიტიკურ პროცესებს გამოიწვევს

ნიკა გვარამიას დაკავება ძალიან მძიმე პოლიტიკურ პროცესებს გამოიწვევს, ვინაიდან გვარამია არ არის ჩვეულებრივი ადამიანი, - ამის შესახებ ჟურნალისტებს "ერთიანი ნაციონალური მოძრაობის" წევრმა ზაალ უდუმაშვილმა განუცხადა.

როგორც ის განმარტავს, იმ შემთხვევაში, თუკი, ნიკა გვარამიას დააკავებენ, ამას როგორც ქვეყნის შიგნით, ასევე ქვეყნის გარეთ მძიმე პოლიტიკური შედეგები მოჰყვება.

"ნიკა გვარამია არის გამორჩეული ფიგურა ქართულ საზოგადოებაში, რომელიც 7 წლის განმავლობაში ხმალამოღებული იბრძვის რეჟიმის წინააღმდეგ. ამას ძალიან მძიმე რეაქცია მოჰყვება, როგორც ქვეყნის შიგნით, ასევე ქვეყნის გარეთაც, რადგან ეს არის პოლიტიკური ანგარიშსწორება ნიკა გვარამიას წინააღმდეგ. ჩვენ შეგვიძლია ჩავთვალოთ, რომ ბიძინა ივანიშვილი პიდაპირ ებრძვის იმ მედიას, რომელიც მის წინააღმდეგ კრიტიკულ აზრს გამოთქვამს. დღევანდელი გამოკითხვა კიდევ ერთხელ ადასტურებს, რომ ეს არის წმინდა წყლის პოლიტიკური პროცესი, რაც ნიკა გვარამიას წინააღმდეგ მიმდინარეობს. გამოძიება ახლა ცდილობს, ნებისმიერი ფორმით, ნებისმიერი მიზეზით შეუზღუდოს ნიკა გვარამიას თავისუფლება. დღეს ივანიშვილის ერთ-ერთი მთავარი სატკივარი, თავის ტკივილი არის ნიკა გვარამია", -განაცხადა უდუმაშვილმა.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი