სიღნაღში საბავშო ბიბლიოთეკის შენობის რეაბილიტაცია დასასრულს უახლოვდება. როგორც „ინტერპრესნიუსს“ სიღნაღის მუნიციპალიტეტის მერიიდან აცნობეს, პროექტი ძველი ნაგებობის სრულ აღდგენას მოიცავს, რისთვისაც 109 350 ლარია გათვალისწინებული.
„სამუშაოების დასრულების შემდეგ, შენობის მეორე სართულზე სამკითხველო დარბაზი, პირველ სართულზე კი ბიბლიოთეკის წიგნადი ფონდი განლაგდება. ახალი საბავშვო ბიბლიოთეკით სარგებლობას ბენეფიციარები უახლოეს მომავალში შეძლებენ,”-აცხადებენ სიღნაღის მერიაში.